Oktober

Nu is dat Harvst

-

So veele Bloomen sind nu welk

föör Frucht geiht nu de ganze Kraft,

föör Appel, Plum und seute Beer,

föör Fleederbeer- und Brombeersaft.

Door treckt een Duft döörcht ganze Land,

in Glas und Buddel steiht dat door,

hebbt doorvun lange Tied noch wat,

se maaken uns den Winter klaar.

-

Ketöffel kaamt bald ut de Eer,

in Keller is so lang all Platz,

datt reckt denn för datt ganze Jahr,

höllt Hunger wegg, datt is een Schatz.

Und all de Nööt so ööber Land,

watt hebbt wi plöckt föör Wiehnachts-Tied,

füllt bunten Teller ünnern Boom, -

man noch is datt jo nich so wiet.

-

Dat is nu Harvst, meist Sommer noch,

de warme Jack hängt noch in´n Schapp,

blots af und to,  wenn´t grau hochtreckt,

man sick den Regenschirm noch schnappt.

Und Nebel hängt to frööhe Stünn

nu op de Wischen mang dat Veeih,

de schwimmt door ohne Been und Steert

in düssen grauen Nebelsee.

-

25.9.2022

Ingrid Rathje-Kohn

Anmeldungen sind ab dem 1. Oktober 2022 nur schriftlich auf dem Anmeldeformular möglich!!
Mit der Anmeldung erklären sich die Damen damit einverstanden, dass ihre Daten für die Reisebearbeitung genutzt werden!